تحميل روايةميتاڤيرس العود الأبدي pdf للكاتب محمود فكري

228
اسم الكتاب : ميتافيرس ( العود الابدى)
اسم الكاتب : الاستاذ محمود فكرى
عدد الصفحات: 136
دار النشر: اسكرايب للنشر و التوزيع
السرد: فصحى
الحوار: عامية
اول ما لاحظت ان الكاتب ترجم كلمة ميتافيرس للانجليزى او نقدر نقول كتب الكلمة الاصلية و اعتقد انه عمل كده تفاديا لان فيه حد ميكونش عرف معناها لسه و ان كنت اختلف معاه ان صعب قوى محدش يكون عرف معناها فى الزمن ده
تانى حاجة لفتت انتباهى الاهداء و ده كان لمجموعة كبيرة من الناس اللى حواليه العائلة و الاصدقاء و الاهداء حق اصيل للكاتب لكن انا حسيت انه ذكر ناس اكتر من المعتاد و ده ادالى انطباع انه شخص دافئ المشاعر بيحب يراعى كل اللى حواليه و مبيحبش ينسى فضل حد بس برضه الاهداء كان غير معتاد بالنسبة لى
القصة كانت فى بدايتها تقيلة على شوية بس مش لفترة طويلة ممكن نقول اول عشر صفحات
لكن بعد كده الاحداث تسارعت و محسيتش باى ملل
و خلصتها فى يوم واحد لان فكرتها كانت غريبة و شدتنى
القصة بتحس انها بتنقل لك روح الاقصر باهم مكونين فيها
المكون الفرعونى و المكون الصوفى و اللى راح هناك و شاف مسجد ابو الحجاج مبنى فوق معبد الاقصر على النيل هيحس بالاجواء اللى خرجت منها القصة دى
القصة خلطت ما بين الخيال العلمى و النفسى و التاريخى و الدينى فى تشطيلة بيحصل فيها ان فيه فجوة بتتفتح على عالم تانى بيدخل منها وحوش و بيحاول هارون التعامل معاها و معاه فريقه
فيا ترى هينجح فى التعامل معاها؟
نهاية القصة عجيبة و ممتعة و غير تقليدية
و ان كانت الافكار اللى في القصة كلها افكار متداولة لكن جمال القصة كان في انها رتبت الافكار بطريقة غير معتادة و سياق مختلف تماما عن المعتاد
الوصف و الشخصيات واضحة بطريقة تخليك شايف اللى بتقراه كويس و بتخلي القصة معلقة فى ذهنك بعد ما تخلصها من وضوح الشخصيات و ده شئ مميز
فى اخر القصة كان فيه فهرس لمعانى الكلمات و انا كنت شايف انها لو اتحطت فى هوامش كانت تبقى افيد علشان اكمل القصة و انا ملم بالمعانى
و فيه بعض التراكيب اللغوية ما ارتحتلهاش قوى بس ده كان نادر و معظم الكلام كان سلس و بيوصل المعنى كويس
اقتباس:
مش مهم انا مين المهم انى مرشدك للحق وقت الضياع, انقذهم من الضياع, انقذهم من الفتنة و الخداع, نور بصيرتهم, البصيرة هى طوق النجاة فى زمن المسخ
تحميل روايةميتاڤيرس العود الأبدي pdf للكاتب محمود فكري
تحميل روايةميتاڤيرس العود الأبدي pdf للكاتب محمود فكري

قريبا